NANG TE IENGTIK AM?
Mi pieng thiem, en ringawt khawma tlângvâl to ve takel ti hriet chieng ngawi ngawi. Bible in, "sâr vengvâwng, mit meng mâwi takel" a ti hai ang hmel put. Hienga tlangvâl chawhnung hun hmang mek, nuhmei ngaisak hmêl hrim put loa thawveng taka ka la lêng vêl hi mak in ti deu hlak chu a hawi ie maw?
Ruolhai nuhmei neina am a nih. Puipungna thila ei hang ṭhang ve a. An min dawn ngun tak chu, "Nang te iengtikam? I ruolhaiin an nei san zo che an tah!" ti hi a nih. Hmelhriet hung khâwm hai khan hi thu hi indawn inhawi chu an ti vieu ni dingin ka ring. Hi zawna hi pumpel thei nilo, ei la dawn pei ding thil chu a ni ta hi.
Annawleh! Ei hmel le piengzie an en a, hmuzolo ding chun an mi ring bik si naw mak ti leia mi'n dawn khawm chu anni el rawi mawh? Haha
Hiengang zawna siem hlaktuhai; Evi siema um hma khawvêl kha a la thienghlim a, nun a hadamin a zângkhai lem hman hman annawm a ni maw?
Amiruokchu, Adam vanglai nun anga hringnun hmang zing dingin siemtu in a mi remti bik chuong naw a. Zîng ni suok hi a la tâwp el naw chun; Nang te iengtikam?" ti thu hi "Vawisun hi an ta aw... " tiin ei la'n chibai tâwl ding a nih.
Riekmaw Cabin
30th Nov 2022
Post a Comment
Post a Comment