Zântieng hme ding; chul manta le vawksa hro tlawmte sathu chang al bang ieka ka suong chu ka ena, a rawng ringawt en khawmin anhnik ding ti a chieng. Fak kar ka nghakhla hle. Hme bêl reia hme kawp bat ka zuk liek sin ringawt khawmin anhnik dan chu sik-îk in a mi kei naw chau a nih.
Chu manta sathu hme chu kei a suongtu chauin ka hmu ding chu kan pâm a. Thla lâk a Facebook group pakhat 'Hmar Hme' an ti a chun post dinga lungril ka siem chu thlengin ka whatsapp status ah, "Hnâng mêt malamin ei zuk chawkhruoi vêl a nih" ti a thuziek sie in ka post lem ta a.
Chu ka hme suong thlalak ngei ka post chu ruol ṭhenkhatin an hung comment sap sap a, comment petu ṭhenkhat chun ka thil in entir tak 'manta sathu' kha comment ta loin "I gas stove a bal", "I stove hru fai rawh!" an hung ti lem a. Ka lungril chun, "Gas stove a fai le bal thu ka suklang tum annaw a, ka hme suong ani ka suk lang tak chu, en lo ding in en sa a nih" ti a dawn kha ka nuom hiel.
Mak hi ka ti hlak annawm! Ka gas stove a bal zie kha ka suklang tak ni reng reng lo, an mit nghal mana an lo hmu sa ve leiin, ka gas bal thu an mi hung hril ve ringawt. Ka nuhmei nei naw an hriet zinga. Anni khawm en veng veng lang chu an bal zie hmu tho ka tih. Iengpokhawm ni sien, dittawk phawt el ei tih. "Ṭhaphuk Calling..."
RiekmawvCabin
Rongtheang
June 7, 2020
A tâwp thut chu. Damn Thaphuk
ReplyDeleteHmar haiin thuziek seibei tiem pei nawh. Haha
DeleteEi kâwl-le-vêl hin sei tak maw a phur a nih ti a sukchieng hle. A nina rênga mi ṭhatak khawm hi mi ṭhalo kuomah um um sien, a ṭhatna nêk khan a kâwla um pa ṭhatnawna kha inlang filawr lem a tih. Chu chu mihriem thlîrdân zie a nih. Mi ṭhalo kuoma a um khan a ṭhatna a chuoi a ni chuong naw a, a um hmun kha zuk sawn zau sien chu ama ṭhatna kha an lang filawr lem ding bah!
ReplyDeleteChuong ang bawkin mi kuomah thil inentir ei nuom rêng rêngin, ei thil inentir ding tak khan an attention a zuk lâk hlawk theina dinga târlang hlak ding a nih. Annaw chun mi ei suklawm tumna dâm kha a suklunghnuoltu a hung ni pal thei a nih.
Ka va ziek sei lâwm lâwm de e! Haha.. keikhawm ka blog sukthar ve nawk tang ka tih e.
Hahaha. Ka type pei nawh
Delete