"Goodbyes make you think. They make you realize what you’ve had, what you’ve lost, and what you’ve taken for granted.”
– Ritu Ghatourey
Ei khuolchâmna hnuoi rama hin mal taka hringnun lamtluong ei hraw laiin, lampui châng khatah khuolzin pui ding ei tawng hlau a. Ei rikphur hai insâwk tawnin, lungngaina hai ei inhnêm a, tlângsâng le ruom khawkrawk, phaizâwl incham duoi le thlalêr ramṭawla hai muongtea ei insawm det det laiin, 'Mangṭha...' ti a lo ṭul nawk hlak si.
Ei hmangai, ei ngai hai ei ṭhe meu chu lung a naa, lunglênna chu sepui raw tuor in ei tuor thlawk thlawk a. Mi hnêmtu ding ei zawng ruoi a, tukhawmin ei tuor an mi tuor sâwk thei chuong si nawh. Mi lo sâwk thei ni ngat hai sien khawm ei phal ring a um chuong nawh. A tuor anhawi tlat annawm! A nih! Pathienin mihriem a siem dân renga khawm inthena nun hi hringnun thawnthu kumhlun, mitin in ei ituok rawp hlak chu a nih. Inṭhena khawvel a lêng ei ni tlat si a.
Hnuoi dânin, 'Mangṭha...' ti a inṭhe ngai rawpna khawvela hin inhmu nawk dingin ei inṭhe hlak a. 'Tawng nawk ni um thei a ti'm' ti a lunghnûr ṭeu puma ei inthla liem khawm an um bawk hlak. Inṭhena thu a hin mihriemin ditthlang theina dân ei nei naw a. Ei nuom thu hrim khawm hril theiloin ei ngailai, ei lungdit-hmangai hai chu nitinin ei ṭhe pei el chu a nih. A hi mihring taphawt ta dinga ruot a ni si a. Sienkhawm, 'Inṭhe um ta naw nih'. Vân Jerusalem a chun...
#Next Year in Jerusalem!
#Riekmaw_Cabin
26th Feb 2021
Hmarkhawlien.
A tiem anhawi rek ie
ReplyDelete