Siktui hring khuonu'n chawilien in,
Hring khawvêl a hung chuongkai.
A hung pârsuok Hmartlângpui tâwnah,
A sakhming Pu Rochunga Pudaite ti'n.
Chung Pathien kona dawn di'n,
Pheilai khaiin muol le tlângtin hrûtin.
Tuon zai a rel kâwlvalengsam ram ah,
Lalpa malsâwm rím an nam ta ie...
A sakhmingmâwi lawi ang an thang.
Khampat Bûngpui iengin a hlîma kan lêng.
Sinlung zalêng nauha'n lung kan lâwm
Innghil din kan mawi nawh Pu Rochunga.
Nunrawng umlai hung lien in,
A her thliek ta maw Hmar Bûngpui.
Hril a hai in sa-lung kan mawl,
Hmangai zuopa'n risâng muol a liem ni hin.
Mithienghlim hai lêngna rama.
A châwl ta ie Mihrâng vâl.
Muongte'n Pa ângsûngah.
Mi lo hmuok a tih kawtkhârmawi ah khin.
Sielmat
11th Oct 2015
Post a Comment
Post a Comment