Pi-pu thusim ei hriet dân chun; vate chikhat 'Riekmaw' ei ti hi thing ra (a hnai um chi- bûng, hmawng, sehriet thing) fa hlak niin an hril hlaka. A riek hlakna thing kûnga hin a'n hnâwma. A êk chu a hung ṭo a, a riekna hlak thingkûng chu a êk a'nthawka hung ṭo hmawng thing chun a zem hlum hlaka. Chuleiin, thingkûng hai chun Riekmaw chu a riek an phal ta naw a. Riekna ding hre loin thla invai takin a um hlak a ni an tih.
Kâwla ni a liema, khuo a hung inthim tah a. Vate danghai chun an riebûk tieng an pan sap sap a. Riekmaw khawm chun ramngawa thing chi hrang hranghai kuoma chun, "Riek maw..., Riek maw..., Riek maw... " tiin riekna ding a va hni hlak a. Thinghai chun a riek an lo phal pêk naw leiin' "thieng naw" tiin an lo hnâwl pei hlak a. A tâwpa chun thing pakhat hi a va bêl a, "Riek maw..., Riek maw..., Riek maw..., " tiin inphalam takin a hang inhrâm keu keu nâwka. Chu thing chun, "Thieng e... " a lo ti a. Chutaka inthawk chun chu thing kûnga chau chun Riekmaw hi a riek hlak ta niin an hril.
Riekmaw a riekna hlak thing kûng hi Duhlian ṭawng hmang hai chun 'Thing thiang' an ti a. Eini hmar ṭawng hmang hai hin iengtinam ei ko ve ti ka hriet naw a. A hre ding âwma ka ngai hai kan dawn hlaka. A hrie an lo um bêk naw a. Kum 2021 khan ei mithiem Pu Thangsawihmang le kan inbiek fu hlau el a. Ama chun, chu thing kûng chu 'Uizâwltar' thing a ni tiin a mi hril.
(Upa haiin, "Unau tienami hriet khawm an ang nawh" an lo ti hlak ang deuin. Tuta Riekmaw chanchin ei hung ziek khawm hi hrietdân a lo inang vawng naw thei a. A chieng lema hrie dâm ei um chun ei lâwmlût zing a nih)
A chanchin ei hril ta ang khin Riekmaw hi vate mal tla, a hawna um ve ngailo a ni a. Vate inrieng takel ani lei hin hlaphuoktu hai chun an inrieng zie hrilna'n 'Riekmaw' thumal hi an lo hmang rawp ta hlak.
Zântieng kawlbula ni a liem meu chun vate dang hai chun an riebuk tieng panin an inhram chêl chûl hlaka. Riekmaw ruok chu mal takin ''rîek maw..., rîek maw..., riek maw... " tiin riebûk ding zawngin zân unau hmelhai hunah an hram keu keu a, rampui hnuoia a khât chauin riekrûn zawngin an vâk vêl ruoi hlak. Chuong ang chun rampui hnuoia hai riekrûn remin zankhuo a lo ṭumthla rawp hlak. Hi 'riekmaw' nundan le vate dang hai nundân enkhi chun va lungsietum tak angin inlang sien khawm, zankhuo suoin zingkhuo var a hmu ve nawk hlak a. Khuorêl ichawi ang peiin hringnun sûonkuol sûnga lungawitakin nunkhuo a lo her rem ve hlak a nih.
Ringtu hai khawm ei khuol châmna rama hin 'riekmaw' anga hringnun hmang tam tak um hlak ei tih. Mihriem ngai ah vangduoina ei tuok chang lem chun, "Aw Lalpa hmel hmu ka nghakhla; Aw, bo el raw hnuoi nghawk um" ti kha ei hla dittak a ni rawp hlak. Nisienlakhawm, chuong ang hringnun kara khawm chun Pathien lunginsietna zar chauin beiseina thar leh khaw êng ei la hmu nawk hlak a nih.
Chuleiin, lungril rikphura inrum hai le khawvel ngaia mi chansie le riengvai hai tadinga hadamna chu 'KRISTA' a ni angin, hi inte (ṭu) khawm hi ringtu khuolzin fe mek, RIEKMAW va anga hnuoi rama invai hai châwlbûk, thlalêr ramre a tûm thing angin 'RIEKMAW CABIN' tiin a hming ei sak a nih.
Riekmaw Cabin
Zântieng kawlbula ni a liem meu chun vate dang hai chun an riebuk tieng panin an inhram chêl chûl hlaka. Riekmaw ruok chu mal takin ''rîek maw..., rîek maw..., riek maw... " tiin riebûk ding zawngin zân unau hmelhai hunah an hram keu keu a, rampui hnuoia a khât chauin riekrûn zawngin an vâk vêl ruoi hlak. Chuong ang chun rampui hnuoia hai riekrûn remin zankhuo a lo ṭumthla rawp hlak. Hi 'riekmaw' nundan le vate dang hai nundân enkhi chun va lungsietum tak angin inlang sien khawm, zankhuo suoin zingkhuo var a hmu ve nawk hlak a. Khuorêl ichawi ang peiin hringnun sûonkuol sûnga lungawitakin nunkhuo a lo her rem ve hlak a nih.
Ringtu hai khawm ei khuol châmna rama hin 'riekmaw' anga hringnun hmang tam tak um hlak ei tih. Mihriem ngai ah vangduoina ei tuok chang lem chun, "Aw Lalpa hmel hmu ka nghakhla; Aw, bo el raw hnuoi nghawk um" ti kha ei hla dittak a ni rawp hlak. Nisienlakhawm, chuong ang hringnun kara khawm chun Pathien lunginsietna zar chauin beiseina thar leh khaw êng ei la hmu nawk hlak a nih.
Chuleiin, lungril rikphura inrum hai le khawvel ngaia mi chansie le riengvai hai tadinga hadamna chu 'KRISTA' a ni angin, hi inte (ṭu) khawm hi ringtu khuolzin fe mek, RIEKMAW va anga hnuoi rama invai hai châwlbûk, thlalêr ramre a tûm thing angin 'RIEKMAW CABIN' tiin a hming ei sak a nih.
Riekmaw Cabin
Rongtheang
30th March 2020
30th March 2020
Post a Comment
Post a Comment